Cifra de Mien Gott He Kann Keen Plattdütsch Mehr - Knut…
Veja os acordes de Mien Gott He Kann Keen Plattdütsch Mehr, de Knut…, e use os controles desta página para mudar o tom, ajustar a leitura e acompanhar a música enquanto toca. Ver mais cifras de Knut… →
Primeiro acorde: G 6 acordes identificados
G
He weer ut School kam’ un he gung
To Stadt nah de Studenten
He föhl sik wohl bi all de junge
D G
Lüüd, de em nich kennten
He wull dat Dörp, von dat he keem
Am levsten dar verswiegen
He harr mit dat, vun wat he keem
Nu gunnix mehr to kriegen
Blots as he eenmal Ferien kreech
Un keem tohus torüch
Dar lachten all de Lüüd, he seech
Em eenfach in’t Gesich
Un sään: “Wat he grad seggt hett, weer
As hochdüütsch in’t Gedich”
Mien Gott he kann keen Plattdüütsch mehr
Un he versteiht uns nich (x2)
As he mol inne Krog rinkeem
Fung he an to vertellen
Vun Kunst un vun gude Benehm
Un so de Lüüd to quälen
“Wenn du soveel vun Kunst versteihst”
Sä Hein, “un vun Benehm
Denn kunnst du all de Tied uk meist
För uns en Runn utgeben”
Dar keek he Hein ganz truri an
Un gung ganz eenfach ruut
Un all de dar weern, Mann för Mann
De lachten sik kaputt
Se sään: “Wo hest du dat denn her
Dien dösige Gesich?”
Mien Gott he kann keen Plattdüütsch mehr
Un he versteiht uns nich (x2)
As he nu längs de Dörpstraat leep
Dä he in Droom versinken
Sien Kinnertied föhl he ganz deep
He seech de Lüüd em winken
He dach: “Wat is de Dag doch schön
Un all de Lüüd, de winken”
He harr de Kohschiet wull nich sehn
De vör em leeg to stinken
Dar repen all de Lüüd em to:
“Peer in de Schiet nich rin”
Un he wunk wedder, weer so froh
Un harr de Fööt al bin
“Ik segg di nich ‘tritt’, ik segg ‘peer’”
Sä een em in’t Gesich
Mien Gott he kann keen Plattdüütsch mehr
Un he versteiht uns nich (x2)
He gung uk mal to Priesskat hen
He wull sik amüseern
Doch mutst du darvun schon wat kenn
Sunst büst al an verleern
Dar sä een “achtein” in een Speel
He sä: “So ungefähr”
Dar sä de anner: “Veer is veel
Een Glück, ik heff nich mehr”
He kreech keen Snieder in dat Speel
Un seech ganz dösi ut
Nu weer em dat alweer toveel
Un he gung eenfach ruut
Dar sä de Kröger: “Lüüd dat weer
Dat End vun de Geschich”
Mien Gott he kann keen Plattdüütsch mehr
Un he versteiht uns nich (x2)